Isang Briton patuloy na nagpapadala ng £400 kada buwan sa kasintahang Pinay kahit pa ayaw dito ng kanyang Pamilya : “I’m following my heart. It’s my choice’

 Usap-usapan ngayon sa social media ang isang Briton na sumali sa Season 90 ng Day Fiance UK, ito ay matapos niyang ibahagi ang kanyang kwentong pag-ibig.

Ayon sa briton nagpapadala raw siya ng £400 o P27,000 kada buwan para suportahan ang kanyang Pinay na kasintahan at ang kanyang apat na anak sa Pilipinas kahit pa daw ito ay labag sa kagustuhan ng kanyang Pamilya.

Ang 90 Day Fiance UK ay isang reality series, ang show ay susubaybay sa buhay ng walong tao sa UK na nasa long-distance relationship kung saan ay kabilang ang 41-anyos na si Shaun.

Ikinwento ni Shaun na siya ay may kasintahang 42 taong gulang at ito ay isang Pinay na nagngangalang Christine, nakilala raw niya ito sa online sampung taon na ang nakakaraan.

Si Christine ay residente ng Antipolo dito satin sa Pilipinas, habang si Shaun naman ay nasa Hampshire sa South East England. Ang kanila raw relasyon ay nagbunga ng isang anak.

Sa binahaging kwento ni Shaun, nagpapadala daw siya sa kanyang kasintahang Pinay ng £400 kada buwan, ito ay sa kadahilanan umaasa siyang makakalipat si Christine sa UK balang araw.