Babaeng Tinaguriang ‘Girl Bestfriend’ at ‘Nag-astang Asawa’ sa Groom, Nagsalita Na!

 Nagsalita na si Shaira Mae Boyonas, ang bababeng tinaguriang “girl bestfriend” at umanong umaastang asawa sa groom at foreigner na si Ales Vodisek. Ekslusibong inihayag ni Shaira ang kanyang panig laban sa akusasyon sa kanya ni Jorryme Vodisek, asawa ni Ales, na sinira umano nito ang “dream wedding” niya at siya ang naging rason ng hiwalayan ng mag-asawa.

Ani Shaira, bilang matalik na kaibigan ni Ales, ang ginawa umano niya sa kasal nina Ales a Jorryme ay dahil sa utos ng photographer. “Ako bilang isang kaibigan, ginawa ko lang yung part ko, gaya noong kasal nila at yung mga pictures na nakikita niyo na mas sweet pa kami, ‘yun ‘yung utos sakin ng photographer, yun lang naman ginawa namin wala nang iba.”

Pakiusap ni Shair na huwag idamay ng publiko ang anak niya sa isyu. Maaaring husgahan na siya ng iba pero huwag lamang ang anak niya na maliit pa. Giit pa niya na huwag naman sana daw maging bias ang iba at matututong pakinggan din ang kanyang panig.

“Dahil may iba’t-iba tayong opinyon, may sarili kayong Facebook account at mayroon din ako. Mayroon kayong privacy at kahit anong gusto niyong gawin pero sana makinig kayo both side hindi lang sa isa dahil kahit ang Diyos ay alam na ginawa ko ang lahat sa simula pa lang,” pahayag ni Shaira.

Matatandaan na sa isang Facebook post, ibinahagi ni Jorryme ang umano’y kakaibang pagkilos at pakikitungo ni Shaira kay Ales.

Ibinahagi pa ni Jorryme na sa kinagabihan pagkatapos ng kanilang kasal na dapat ay honeymoon ang gagawin nilang mag-asawa ay si Shaira pa ang inasikaso ni afam dahil nagpapa-comfort umano ito.

“Naging girl bestfriend din naman ako pero never po akong umastang asawa,” ani Jorryme.